Sakura 夏櫻

夏櫻耳語・聲動心弦

線材簡介

一直以嚟，本品牌都未曾推出純銀或其他純貴金屬線，主要原因有三：第一，貴金屬價格高，成本高，要生產一條質素達標嘅貴金屬線材，售價絕對唔低；第二，平價純貴金屬線材嘅聲音質素十分參差，三頻表現（特別低頻）受限，唯有係線芯導體量達到一定水平，三頻表現先會有所改善；第三，市場大眾對純銀線有一個「高頻強，低頻弱」嘅既定印象，意味著非主流嘅純銀線，未必達到大眾對純銀線嘅聲音要求。 但係，我哋相信一條高質素嘅純銀線仍然有佢嘅價值。純銀線所帶嚟嘅分析力、定位、速度感，仍然係令人享受，令人着迷  。就算 Sakura 夏櫻 價格比我哋以往嘅線材高唔少，我哋亦確保而條線就係有咁樣嘅價值，保持住我哋品牌一直以來嘅高性價比！

線材物料及結構
Sakura 夏櫻 採用三種不同線徑嘅 5N OCC 單晶銀漆包導體組成四層結構。中心線芯線徑較粗，内層與外層導體量依照 1 : 0.618 的黃金比例設計，並用上正反絞合設計。線芯完成絞合後再進行深層冷凍結晶處理，令聲音表現更安定，中層以粉紅色編織網包裹線芯，再以醫用級PVC作最外層保護。整體導體線徑約 24 AWG （因使用黃金比例設計，相同導體線徑情況下，通量會比一般 Litz 結構線材更多），遠超市面上其他四絞純銀耳機線。 

聲音走向
Sakura 夏櫻 偏中上盤走向。有別於傳統純銀線材，聲音唔會過於直白，而係帶有少少染色，特別係人聲帶有一絲甜味，搭配上適量而下潛深嘅低頻，令人越聽越享受~ 聲音密度高係一條好線材嘅基本要求，喺密度高嘅前提下，做到大音場🔊 、定位準確、有足夠分離度嘅線材係有一定難度，而 Sakura 夏櫻 正正可以做到以上嘅要求，特別適合 live 嘅錄音，人聲置中，距離適中，樂器定位清晰，鼓點準確，低頻收縮速度快，整體橫向音場大，弦樂嘅延伸一直拉長至頭頂位置，營造出一個十分出色嘅縱向音場‼ 配上混合式單元耳機更加係有奇效!

OFC鍍10u銀插針及OFC鍍10u金插頭
Sakura 夏櫻 將OFC鍍銀插針及OFC鍍金插頭作為標準配置，讓客人擁有一個更好嘅聆聽體驗。我哋亦有其他更高質素嘅插針插頭可供選配，為每位客人度身訂造，歡迎聯絡我哋了解更多。

訂製銀或白色陽極化配件
Sakura 夏櫻 提供銀色陽極化或白色電泳五金配件，表面陽極化及電泳處理工序令配件更具質感，同時提升配件耐用度。

焊錫搭配調音
一如既往，本品牌所有線材皆用上混焊技術，通過搭配不同焊錫，測試不同調音，以完善線材聲音表現，最大程度地展現線材潛能。